Ağakişibəyli

Kəndin adı:
Ağakişibəyli

Əhalisi:
1456 nəfər

Ərazisi:    
365 ha

Kəndin əsas məşğuliyyəti: 
Əkinçilik və heyvandarlıqdır

Kəndin adının mənası:
Ağakişibəyli kəndinin mənası cənubi Azərbaycanın Ərdəbil şəhərindən gələn “Ağakişi” adlı bir kişinin adından götürülüb. 1954-cü ildə yaranıb.

Kəndin tarixi abidələri: 
Ağakişibəyli kəndində olan tarixi abidə kənd məscidi

Kənddə ilk məktəbin açıldığı tarix: 
Ağakişibəyli kəndində ilk 4 illik məktəb 1920-ci ildə açılıb

Kəndin ilk ali təhsillisi: 
Kərimov Baloğlan Kərim oğlu

Kəndin Qarabağ müharibəsi uğrunda gedən döyüşlərdə milli qəhrəman və şəhid olmuş sakinləri haqqında: 
İsmayılov Qəhrəman Həmzə oğlu 1973-cü ildə Ağakişibəyli kəndində anadan olub.1988-ci ildə Şərəfə kənd orta məktəbin 8-ci sinfini bitirmişdir.1992-ci ilin fevralından milli ordunun tərkibində xidmət edib.1993-cü ilin yanvarın13-də Füzuli bölgəsində gedən qanlı döyüşlərdə qəhrəmancasına şəhid olub. 
Əliquliyev Tələt Qulamhüseyn oğlu 1975-ci ildə Salyan rayonun Ballıcalı kəndində anadan olub.1982-ci ildə Şərəfə kənd orta məktəbində 1-ci sinfə getmiş,1990-cı ildə həmin məktəbin 8-ci sinfini bitirmişdir.Həmin il Prişibdə 108 saylı texniki-peşə məktəbinə daxil olub,1992- ci ildə oranı bitirib hərbi xidmətə getmişdir.1994-cü ilin yanvar ayının 4-də Beyləqanda gedən döyüşlər zamanı şəhid olmuşdur.

Böyük Vətən müharibəsində iştirak edənlər: 
Ağakişibəyli kəndindən Böyük Vətən Müharibəsində 167 nəfər iştirak etmiş, 34 nəfər həlak olmuşdur. 

Kəndin ziyalıları haqqında: 
Ağakişibəyli kəndinin elmlər namizədi və elmlər doktoru bunlardır:Kərimov Böyükxan Fərzulla oğlu,Hüseynov Süleyman Səfər oğlu,Əsədov Arif Əlipənah oğlu.

Kəndin din xadimləri: 
Məşədi Molla Nağı Əlibala oğlu

Ölkədən kənarda yaşayan kənd ziyalıları haqqında: 
Rusiya Federasiyasında yaşayan Polis Polkovniki Tağıyev Rzaqulu Tağı oğlu 
Polis rəisi Babayev Səbuhi Eynulla oğlu.

Kəndin digər tanınmışları: 
Niftullayeva Gülgün Bayram qızı “Taekvando” üzrə Azərbaycan çempionu.