Masallının 130 yaşlı hamamı, Seybətində Cabbar Qaryağdıoğlunun, Keçəçi oğlu Məhəmmədin, Xan Şuşinskinin iştirak etdiyi 7 günlük toy
![](https://cenub.az/uploads/posts/2021-02/thumbs/1613219826_1613219802444.png)
Masallının musiqi tarixində önəmli yeri olan seybətinli xanəndə Mir İslamın əmisi Miri Ələmov 1901-ci ildə Masallı ərazisinin Seybətin kəndində doğulmuş, 1994-cü ildə vəfat etmişdir. O, erkən yaşlarında ikən əvvəl anasını, bir müddət sonra atasını itirmişdir. Əmisi Mir İslam onu öz himayəsinə götürərək, 1927-ci ildə Seybətin kəndində Kürsum adlı bir qızla evləndirmiş, onun rəhbərliyi il 7 gün davam edən həmin toyda məşhur Qarabağ xanəndələri Cabbar Qaryağdıoğlu, Keçəçi oğlu Məhəmməd, Xan Şuşinski iştirak etmişlər.
Miri Ələmov
Ərdəbildə oxşarı olan Masallı hamaı
![](https://cenub.az/uploads/posts/2021-02/medium/1613220472_1234567890.jpeg)
Xatırladaq ki, Miri Ələmovun həyat yoldaşı Kürsüm xanımın atası bənna Məlikməmməd olmuşdur. Məlikməmməd özü əslən İranlı olub, sonralar Seybə-tində məskunlaşmışdır. O, Masallıı şəhərində indiki Mədəniyyət Evi ilə üzbəüz istiqamətdə yerləşən hamamının bənnası olmuşdur. Ərdəbil şəhərində tikdiyi hamamlardan birini , həm də eyni layıhə ilə təqribən 1880/85-ci illərdə Masallıda inşa etmişdir.
Deyilənə görə, tikinti başa çatdıqdan sonra ona sual verirlər: “Usta Məlik-məmməd, Ərdəbildəki ilə Masallıda tikdiyiniz hamamların fərqi nədən ibarətdir?”. O, müsahibinə belə cavab verir: “Hamamların bircə fərqi var, o hamam Ərdəbildə tikilib, bu hamam isə Masallıda”.
100 il bənnalıqla məşgul olan usta Məlikməmməd 124 yaşında - 1953-cü ildə Seybətində vəfat etmişdir.
Masallın hamamının bu günü
![](https://cenub.az/uploads/posts/2021-02/medium/1613220517_1.jpeg)
Hazırda XIX əsr yadigarı bu hamam bərbad vəziyyətdədir. Dəfələrlə bu bərbadlıq mətbuatda işıqlandırılsa da, hələ ki, tədbir görən yoxdur
Yazı yazıçı-publisist
Xodaşirin Cəbiyevin 2012-ci ildə Cənub xəbərləri qəzetində çap olunmuş yazısı əsasında hazırlanmışdır